செய்திகள்

பாஜக அரசு மீது எனக்கு நம்பிக்கை உள்ளது ! நதி நீர் இணைப்பு திட்டத்தை நிச்சயம் நிறைவேற்றுவார்கள்: விமான நிலையத்தில் சூப்பர் ஸ்டார் பேட்டி !!

மும்பையில் தர்பார் படத்திற்கான படப்பிடிப்பு பணிகளை முடித்துவிட்டு நடிகர் ரஜினிகாந்த் நேற்றிரவு சென்னை திரும்பினார். அப்போது விமான நிலையத்தில் செய்தியாளர்களை சந்தித்தார். 

அப்போது எழுப்பப்பட்ட பல்வேறு கேள்விகளுக்கு பதிலளித்து பேசிய அவர், பாஜக தலைமையிலான அரசு நதிநீர் இணைப்பு திட்டத்தை நிச்சயம் நிறைவேற்றும். நடிகர் சங்கத் தேர்தலில் உரிய நேரத்தில் தனக்கு வாக்குச்சீட்டு கிடைக்காததால் வாக்களிக்க முடியவில்லை. 

தமிழகத்தில் நிலவி வரும் தண்ணீர் தட்டுப்பாட்டு பிரச்னைக்கு ஏரி , குளங்களை தூர்வார அரசு போர்கால அடிப்படையில் நடவடிக்கை எடுக்க வேண்டும். குடிநீர் பிரச்னையை தீர்க்க மக்கள் மழைநீரை சேகரிக்க வேண்டும் என ரஜினிகாந்த் கேட்டுக்கொண்டார். 

மேலும் பேசிய அவர், குடிநீர் பிரச்சினையில் தவிக்கும் மக்களுக்கு தண்ணீர் வழங்கும் பணியில் ஈடுபட்டு உள்ள ரசிகர்களை மனமார்ந்து பாராட்டுகிறேன். ரசிகர்கள் இதுபோன்ற செயல்களில் ஈடுபடுவது நல்ல விஷயம். இதனால் தான் இந்த பிரச்னை பலருக்கும் தெரிந்துள்ளது என்று ரஜினிகாந்த் தெரிவித்தார்.

Tags
Show More

Leave a Reply

Your email address will not be published.

Back to top button
Close
Close