மத மாற்றத்தை தட்டிக்கேட்ட கும்பகோணம் மாவட்டம் திருபுவனையை சேர்ந்த இராமலிங்கம் என்பவர் முஸ்லிம்கள் அதிகம் வசிக்கும் பகுதி ஒன்றின் வழியாக நடந்து சென்று கொண்டிருக்கும்போது இஸ்லாமிய பயங்கரவாதிகளால் வழி மறிக்கப்பட்டு பயங்கர ஆயுதங்களால் சரமாரியாக வெட்டப்பட்டு படுகொலை செய்யப்பட்டார். இச்சம்பவம் தமிழகம் முழுவதும் அதிர்ச்சியையும், பரபரப்பையும் ஏற்படுத்தியுள்ளது.

இஸ்லாமிய வெறியர்கள் இதை ஜிகாத் கொலை(இஸ்லாமிய வளர்ச்சிக்கான தியாகக் கொலைகள்) எனக்கூறி பெருமிதப்பட்டுக்கொண்டு மேலும் மேலும் இது போன்ற படுகொலைகளை நிகழ்த்தி வருகின்றனர். இது போன்ற சம்பவங்கள் இந்தியாவில் வேறு எங்கும் நடத்தப்படுவதில்லை. தமிழகத்தில் மட்டுமே நடத்தப்பட்டு வருகின்றன. இதற்கு காரணம் இங்கு ஆட்சி அமைக்கும் திராவிடக் கட்சிகளில் இந்துக்களே முதல்வரானாலும், அமைச்சர்கள் ஆனாலும், எம்.எல்.ஏ-க்கள் ஆனாலும் இசுலாமிய சமுதாயத்தின் வாக்குகளுக்கு ஆசைப்பட்டே இஸ்லாமிய பயங்கரவாதிகளின் மீது நடவடிக்கை எடுப்பதில்லை. இதனால் அவர்களின் கொட்டத்தை முழுமையாக அடக்க முடியாததால் அவ்வப்போது இந்த சம்பவங்கள் நடைபெற்று வருகின்றன. ஆனால் சென்ற 2016-ஆம் ஆண்டுக்கு முன் தொடர்ச்சியாக நடைபெற்ற இந்து தலைவர்கள் மற்றும் இளைஞர்கள் படு கொலை சம்பவம் குறைந்ததற்கு காரணம் பிரதமர் மோடி அரசின் உள்துறை இங்குள்ள பயங்கரவாதிகளை தொடர்ந்து கண்காணிப்பதுதான் என்றும் கூறப்படுகிறது.

இந்த நிலையில்,  வேதிக் சயின்ஸ் ரிசர்ச் சென்டர் தமிழகத்தில் பயங்கரவாதம் எவ்வாறு வளர்ச்சியடைந்தது என்பதைப் பற்றிய சிறு கண்ணோட்டத்தை பல புள்ளிவிபரங்கள் மூலம் அளித்துள்ளது. இது நமக்கு மேலும் நல்ல புரிதலைக் கொடுக்கும்.

சிமி (SIMI – Students Islamic Movement of India) அமைப்பு நாடு முழுவதும் தடை செய்யப்பட்ட போது, அவ்வியக்கத்தின் தமிழகக் கிளை “அல் உம்மா” மற்றும் “ஜிகாத் கமிட்டி” ஆகிய பெயர்களில் அவதாரம் எடுத்தது. அல் உம்மா அமைப்பு 1993-ல் சென்னை ஆர்.எஸ்.எஸ். அலுவலகத்தில் குண்டுகள் வெடிக்கச்செய்து 11 நபர்களைக் கொன்றதன் மூலம் தன்னுடைய முதல் பயங்கரவாதச் செயலை நிகழ்த்திக்காட்டியது.  

பழனிபாபா என்கிற பயங்கரவாதியின் தலைமையில் இயங்கிய ஜிகாத் கமிட்டி ஆங்காங்கே மதக்கலவரங்களை நிகழ்த்தி, அவற்றின் முடிவில் கொலைவெறித் தாக்குதல்களும் நடத்தி வந்தது. பிறகு பழி தீர்க்கும் படலத்தில் பழனிபாபா கொலை செய்யப்பட்டதைத் தொடர்ந்து அவ்வமைப்பு சிதறுண்டு போனது. பிறகு 1995-ல் தமிழ்நாடு முஸ்லிம் முன்னேற்றக் கழகம் தோற்று விக்கப்பட்டது. பழனிபாபாவுடன் உடனிருந்தவரும், சிமி இயக்கத்தின் முன்னாள் உறுப்பினருமான ஹைதர் அலி என்பவரால் த.மு.மு.க தோற்றுவிக்கப்பட்டபோது, முன்னாள் எம்.எல்.ஏ ஜவஹிருல்லாவும் தொடக்க உறுப்பினராக உடனிருந்தார். 1998-ல் நடந்த கோவைத் தொடர் குண்டு வெடிப்பைத் தொடர்ந்து அல் உம்மா தமிழகத்தில் தடை செய்யப்பட்ட பிறகு, அவ்வியக்கம் “மனித நீதிப் பாசறை” என்கிற பெயரில் தன் நிறத்தை மாற்றிக்கொண்டு வலம் வந்தது. இவ்விதம், சிமி, அல் உம்மா அமைப்புகள் மீதான தடையோ அல்லது ஜிகாத் கமிட்டி அமைப்பு சிதறுண்டதோ, தமிழகத்தில் பயங்கரவாதத்தின் வளர்ச்சியைக் குறைக்கவில்லை. தொடர்ந்து வளர்ந்துதான் வருகிறது. உண்மையில், இஸ்லாமிய அடிப்படைவாதம் எஸ்.டி.பி.ஐ (SDPI – Social and Democratic Party of India), பி.எஃப்.ஐ (PFI – Popular Front of India), தமிழ்நாடு தௌஹீத் ஜமாத் (TNTJ – Tamil Nadu Towheed Jamath), போன்ற வெவ்வேறு பெயர்களில், திராவிடக் கட்சிகள், கம்யூனிஸ்டுக் கட்சிகள் மற்றும் தமிழ் பிரிவினைவாதக் கட்சிகள் ஆகியவற்றின் ஆதரவுடன் மேலும் வளர்ந்து வருகிறது. 

1998-ல் நடந்த கோவைத் தொடர் குண்டு வெடிப்பைத் தொடர்ந்து அல் உம்மா தமிழகத்தில் தடை செய்யப்பட்ட பிறகு, அவ்வியக்கம் “மனித நீதிப் பாசறை” என்கிற பெயரில் தன் நிறத்தை மாற்றிக்கொண்டு வலம் வந்தது. இவ்விதம், சிமி, அல் உம்மா அமைப்புகள் மீதான தடையோ அல்லது ஜிகாத் கமிட்டி அமைப்பு சிதறுண்டதோ, தமிழகத்தில் பயங்கரவாதத்தின் வளர்ச்சியைக் குறைக்கவில்லை. தொடர்ந்து வளர்ந்துதான் வருகிறது. உண்மையில், இஸ்லாமிய அடிப்படைவாதம் எஸ்.டி.பி.ஐ (SDPI – Social and Democratic Party of India), பி.எஃப்.ஐ (PFI – Popular Front of India), தமிழ்நாடு தௌஹீத் ஜமாத் (TNTJ – Tamil Nadu Towheed Jamath), போன்ற வெவ்வேறு பெயர்களில், திராவிடக் கட்சிகள், கம்யூனிஸ்டுக் கட்சிகள் மற்றும் தமிழ் பிரிவினைவாதக் கட்சிகள் ஆகியவற்றின் ஆதரவுடன் மேலும் வளர்ந்து வருகிறது. 

இதனிடையே 2009-ஆம் ஆண்டு ஜுலை மாதம் த.மு.மு.க தன்னுடைய அரசியல் முகமாக “மனிதநேய மக்கள் கட்சி” என்கிற அமைப்பைத் தொடங்கியது. த.மு.மு.க தலைவர்கள் திராவிடக் கட்சிகளுடன் கூட்டணி வைத்துக்கொண்டு தேர்தல்களில் பங்குபெறத் தொடங்கினார்கள். திராவிடக் கட்சிகள் முஸ்லிம் வாக்குவங்கியை மனதில் கொண்டு இவர்களுடன் கூட்டணி வைத்துக்கொண்டு ஆதரவு தருவதால்,  முன்னாள் தீவிரவாதிகளெல்லாம் இந்நாள் அரசியல் தலைவர்களாக வலம் வந்து ஜனநாயகம் பற்றியும் மதச்சார்பின்மைப் பற்றியும் உரையாற்றத் தொடங்கினார்கள். 

தமிழகம் அமைதியாக உள்ளதும் என்றும், 1993 சென்னை ஆர்.எஸ்.எஸ் அலுவலகக் குண்டு வெடிப்பு மற்றும் 1998 கோவைத் தொடர் குண்டு வெடிப்பு ஆகியவைத் தவிர வேறு பயங்கரவாதச் செயல்கள் நடக்கவில்லை என்றும் பொதுவில் ஒரு அபிப்பிராயம் நிலவுகிறது. ஆனால் உண்மை என்னவென்றால் எண்பதுகளின் ஆரம்பத்திலிருந்தே மாநிலத்தில் பயங்கரவாதச் செயல்கள் நடைபெறத் தொடங்கிவிட்டன. 1984-ஆம் ஆண்டு பாரதிய ஜனதா கட்சியின் தேசியத் தலைவர் ஜனா கிருஷ்ணமூர்த்தி அவர்கள் மீது நடத்தப்பட்ட கொலைவெறித் தாக்குதல் தொடங்கி தமிழகம் பயங்கரவாதத்தால் பெரிதும் பீடிக்கப்பட்டு, இதுவரை 138 பேர்கள் கொலை செய்யப்பட்டுள்ளனர்; மேலும் நூற்றுக்கணக்கானவர்கள் ஊனமுற்றுள்ளனர். 

 1996 முதல் 2001 வரை நடைபெற்ற தி.மு.க ஆட்சியில் பயங்கரவாதம் வளர்ச்சி அடைந்தது பகிரங்கமாகவே தெரிந்தது. அவ்வாட்சியைத் தொடர்ந்து 2001 முதல் 2006 வரை நடைபெற்ற அ.தி.மு.க ஆட்சியில் சட்ட ஒழுங்கு ஓரளவிற்கு முன்னேற்றம் கண்டாலும், மறைமுகமான நடவடிக்கைகளினால் இஸ்லாமிய அடிப்படைவாதம் தொடர்ந்துகொண்டிருந்தது. இதை உறுதி செய்யும் விதமாக 2006-ஆம் ஆண்டு ஜூலை மாதம் 22-ம் தேதி (2006 மே மாதம் தி.மு.க மீண்டும் ஆட்சிக்கு வந்தது) கோவையில் நடத்தியது போலவே ஒரு குண்டு வெடிப்பை நடத்த முயற்சி செய்ததாக மனித நீதிப் பாசறை அமைப்பைச்சேர்ந்த ஐந்து பேர் கைது செய்யப்பட்டார்கள். ஆனால் அந்த ஐந்து பேரும் 2008-ஆம் ஆண்டு பிப்ரவரி மாதம் 9-ஆம் தேதி, பொய்க்குற்றச்சாட்டில் கைது செய்யப்பட்டதாகச் சொல்லி விடுவிக்கப்பட்டார்கள்.

இது மட்டுமில்லாமல், இவர்களின் விடுதலைக்கு முன்பாக, 2006 மே மாதம், தி.மு.க ஆட்சிக்கு வந்த கையோடு, அல் உம்மா தீவிரவாதிகள் 6 பேர் பாளையம்கோட்டைச் சிறையிலிருந்து திடீரென்று விடுதலை செய்யப்பட்டார்கள்.

விநாயகர் சதுர்த்தி விழாக்களில் தடங்கல்களையும், இடையூறுகளையும் செய்வதை வாடிக்கையாகவே கொண்டிருந்தது த.மு.மு.க மிக மோசமன நிகழ்வாக, 2007-ஆம் ஆண்டு சேலம் மாவட்டம் தம்மம்பட்டியில் கலவரம் உண்டாக்கியதில், நூற்றுக்கணக்கான இந்துக்கள் பொய்க்குற்றச்சாட்டுகளில் கைது செய்யப்பட்டார்கள். அப்போது மாநில காவல்துறை மனித உரிமை மீறல்கள் செய்ததாகவும் கூறப்பட்டது. 

தி.மு.க அரசு இஸ்லாமிய தீவிரவாதிகளை விடுதலை செய்ததைப் பற்றிய செய்திக்குறிப்பில், “இஸ்லாமிய அடிப்படைவாதிகளின் மீது தி.மு.க அரசு கொண்டுள்ள பகிரங்கமான பரிதாபத்தின் விளைவான இந்த விடுதலை நடவடிக்கை அதிர்ச்சி அளிக்கிறது” என்று மூத்த காவல்துறை அதிகாரிகள் கூறியதாக தி நியூ இந்தியன் எக்ஸ்பிரஸ் நாளிதழ் தன்னுடைய ஆகஸ்டு 8, 2006 வெளியீட்டில் குறிப்பிட்டது. 

இஸ்லாமிய அடிப்படைவாதிகள் பல்வேறு சிறைகளிலிருந்து விடுவிக்கப்பட்டதைத் தொடர்ந்து தமிழகத்தில் முஸ்லிம்கள் அதிகமாக இருக்கும் பகுதிகள் தாலிபான் மயம் ஆக்கப்பட்டன. அதனுடன் கூடவே பெண்கள் ஒடுக்கப்படுவதும் நடந்தது. திருநெல்வேலியில் உள்ளூர் பீடி நிறுவனத்தில் வேலை செய்துகொண்டிருந்த ஒரு முஸ்லிம் பெண்ணும், டீ கடை நடத்திக்கொண்டிருந்த முஸ்லிம் பெண்ணும் மத ஒழுக்கம் என்கிற பெயரால் கொலை செய்யப்பட்டனர்.‘இந்தியன் எக்ஸ்பிரஸ்’ தன்னுடைய மார்ச் 26, 2006 நாளிதழில், “நூற்றுக்கும் மேற்பட்ட தீவிரவாதிகள் சிறையிடப்பட்டதால் சற்றே பலவீனம் அடைந்த அல் உம்மா இயக்கம், தி.மு.க அரசின் மென்மைப் போக்கினால் மீண்டும் பலம் பெற்று தென் தமிழகத்தில் உள்ள மாவட்டங்களில் இஸ்லாமிய அடிப்படைவாதம் மிக்க சட்டங்களை முஸ்லீம் சமுதாயத்தினர் மீது திணிக்கத் தொடங்கியுள்ளது” என்று செய்தி வெளியிட்டது. தமிழகம் தாலிபான் மயமாக்கப் படுவதற்கு அத்தாட்சியாக இச்செய்தி இருந்தது. தற்போது தமிழ்நாடு தௌஹீத் ஜமாத் அமைப்பு வஹாபிய இஸ்லாமை தமிழகத்தில் பிரச்சாரம் செய்து பரப்பி வருகின்றது.

இதற்கு முன்பாக 17 பிப்ரவரி 2007 இதழில், ‘தி நியூ இந்தியன் எக்ஸ்பிரஸ்’ நாளிதழ், KFD (Karnataka For Dignity), MNP (Manitha Neethi Pasarai), NDF (National Democratic Front from Kerala) ஆகிய மூன்று இயக்கங்களும் இணைந்து செயல்படுவதற்காக PFI (Popular Front of India) இயக்கத்தை பிப்ரவரி 16 அன்று தொடங்கியதாகச் செய்தி வெளியிட்டது. “தங்களுக்குள் தொடர்பு ஏற்படுத்திக் கொண்டு, அடித்தளத்தின் முன்னேற்ற நடவடிக்கைகளை பலப்படுத்தவும், அதைத் தொடர்ந்து “இந்தியாவிற்கு சக்தியூட்டு” (Empower India)என்கிற மாநாட்டைப் பெங்களூருவில் நடத்தவும், நோக்கம் கொண்டு அந்த இயக்கம் செயல்படும். மேலும், அவ்வியக்கம் தன்னுடைய திட்டங்களாக ஜனநாயகம், சமூக நீதி போன்ற கொள்கைகளை முன்வைத்தாலும், உண்மையில் தீவிரவாதக் கொள்கைகளை பரப்பும் விதமாகத் தான் செயல்படும் என்று தமிழகக் காவல்துறை கருதுகின்றது” என்றும், ‘தி நியூ இந்தியன் எக்ஸ்பிரஸ்’ நாளிதழ் கருத்து தெரிவித்து செய்தி வெளியிட்டது.

2016 விநாயகர் சதுர்த்தியின் போது மட்டும் தமிழகத்தில் நடந்த பயங்கரவாதச் சம்பவங்களின் பட்டியல்

10.09.2016- வேலூர் இந்து முன்னணித் தலைவர் திரு.மகேஷ் அவர்கள்வீட்டின் மீது பெட்ரோல் குண்டு வீச்சு

10.09.2016- வேலூர் இந்து முன்னணிப் பொருப்பாளர் திரு.ஸ்ரீநிவாசன் அவர்கள் கடையின் மீது பெட்ரோல் குண்டு வீச்சு

 11.09.2016- திருப்பூர் இந்து முன்னணிப் பொருப்பாளர் திரு.சரவணன் அவர்கள் பனியன் கம்பெனியின் மீது பெட்ரோல் குண்டு வீச்சு, 10 லட்சம் பொருள் சேதம்

14.09.2016- தன்யா என்ற இளம் பெண் ஷகீர் என்ற முஸ்லீம் வாலிபனை திருமணம் செய்துகொள்ள மறுத்ததால் சரமாரியாக ஷக்கீரால் குத்திக் கொல்லப் பட்டாள். ஒரு லவ் ஜிகாத் கொலை

19.09.2016- ஓசூரில், தமிழ்நாடு விஸ்வ ஹிந்துப் பரிஷத்தின் பொருப்பாளர் சூரி படுகொலை

 19.09.2016- திண்டுக்கல்லில், இந்து முன்னணி நகரச் செயலாளர் திரு. சங்கர் கணேஷ் மீது கொலை வெறித் தாக்குதல்.

 22.09.2016- கோவையில் இந்து முன்னணி மாநகரச் செய்தித் தொடர்பாளர் திரு.சசிகுமார் அவர்கள் படுகொலை

  25.09.2016- திண்டுக்கல்லில், பா.ஜ.க மாநில நிர்வாகக் குழு உறுப்பினர் திரு.போஸ் அவர்களின் கார் அவர் வீட்டின் முன் எரிக்கப்பட்டது.

 25.09.2016- திண்டுக்கல் பா.ஜ.க தலைமை அலுவலகத்தின் மீது பெட்ரோல் குண்டு வீச்சு.

இந்தத் தொடர் நிகழ்வுகளும், தமிழக காவல்துறையின் செயல்பாடும், தமிழகம் பயங்கரவாத மற்றும் பிரிவினைவாதக் களமாக மாறி வருவதையே காட்டுகிறது. எல்லை கடந்து பயங்கரவாதத்தை முறியடித்த மத்திய அரசு எல்லைக்குள் செயல்படும் பயங்கரவாதிகளையும், அதற்குத் துணை போகும் துரோகிகள் மீதும் நடவடிக்கை மேலும் எடுக்குமா? என்பதே இப்போதைய கேள்வியாக உள்ளது. கடைசியாக சில நாட்களுக்கு முன்னர் நடைபெற்ற கும்பகோணம் இராமலிங்கம் சம்பவம் தேர்தல் நெருங்கும் நேரம் பார்த்து அரசியல்வாதிகளால் நம்மை ஒன்றும் செய்ய முடியாது என்ற தைரியத்தில் செய்யப்பட்டுள்ளதாக தெரிகிறது. அனால் இந்த விஷயத்தில் தமிழக இந்து இளைஞர்கள் சாதி, கட்சி பேதமின்றி ஓன்று படவேண்டும். பயங்கரவாத போக்குக்கு தக்க முடிவு கட்டவேண்டிய நேரமிது.

Share